Atvinnulífið

Áskorun nr. 1

Þunglamaleg stjórnsýsla hamlar framþróun atvinnulífs

• Óskýr, hægvirk og ósveigjanleg leyfiskylda
• Umhverfið hamlar frumkvöðlum og eykur rekstrarkostnað fyrirtækja
  
• Reglubyrðin hefur þyngst ár frá ári
  
• Óþarfa flækjustig og íþyngjandi kvaðir draga úr hvata tilfyrirtækjarekstrar og fjárfestinga
  

Lausn

Færum samskipti við hið opinbera í eina samráðsgátt

Draga ætti úr hömlum í regluverki sem ekki þjóna skýrum tilgangi og auðvelda samskipti fyrirtækja við hið opinbera með einni samráðsgátt. Skrefum yrði fækkað, samskipti myndu batna og óþarfa flækjur myndu leysast.

Áskorun nr. 2

Eftirlit er óskilvirkt

• Verkefni stofnana skarast á
  
• Kröfur stofnana eru mismunandi milli landshluta
  
• Óhagræði í núverandi fyrirkomulagi er mikið
  

Lausn

Sameinum stofnanir og aukum getu þeirra til að sinna leiðbeiningarhlutverki sínu

• Mikil tækifæri eru til að sameina stofnanir og ábyrgðasvið í stjórnsýslunni. Sem dæmi eru í dag tíu heilbrigðiseftirlitsumdæmi sem má sameina í eina stofnun. Við getum ekki gert mismunandi kröfur til fyrirtækja eftir því hvar þau eru staðsett á landinu. Sameining stofnana styrkir þær einnig til að sinna leiðbeiningarhlutverki sínu betur
  
• 
  

Áskorun nr. 3

Langtímaatvinnuleysi fer vaxandi

• Atvinnuleysi er ein alvarlegasta birtingarmynd heimsfaraldursins
• Þrálátt langtímaatvinnuleysi getur ógnað hagvexti framtíðar
• Færni fólks minnkar og þekking glatast í atvinnuleysi

Lausn

Festum ráðningarstyrki af atvinnuleysisskrá í sessi

• 
  
• Mikið langtímaatvinnuleysi er kostnaðarsamt fyrir samfélagið jafnt sem einstaklinga og miklir hagmunir fólgnir í því að vinna bug á því með réttum hvötum til atvinnusköpunar. Festum átakið Hefjum störf í sessi til frambúðar sem fyrst og fremst miðar að því að skapa hvata fyrir atvinnurekendur til að ráða inn einstakling sem hefur verið án vinnu í ár eða lengur
  

Áskorun nr. 4

Nýsköpun mælist minni
en í öðrum iðnríkjum

• Útgjöld til rannsóknar og þróunar eru minni á Íslandi en í mörgum iðnríkjum
  
• Einkaleyfisumsóknir eru færri en annars staðar með tilliti til íbúafjölda
  
• Vaxtastig er almennt hærra en í nágrannaríkjum og aðgengi að lánsfjármagni oft erfitt
• Umfang nýsköpunar ætti að vera svipað og mælist í nágrannaríkjum en svo er ekki
  

Lausn

Auðveldum aðgengi fyrirtækja að fjármagni og hæfu starfsfólki

• Fjarlægjum hindranir sem draga úr hvata til fjárfestinga. Útvíkkum heimildir lífeyrissjóða til fjárfestinga. Drögum úr hömlum á erlenda fjárfestingu sem eru langt umfram það sem við sjáum í öðrum ríkjum OECD
  
• Lærum af Eistlandi sem hefur litlar hömlur, einfalt regluverk, hóflega skattheimtu og stafræna stjórnsýslu
  
• Eflum sjóði eins og Tækniþróunarsjóð