Kröfur um þekkingu og færni í atvinnulífinu taka sífelldum breytingum. Þessum kröfum verður að mæta á sama tíma og almenn grunnfærni þarf að vera til staðar. Framlög hins opinbera til málaflokksins í heild eru hlutfallslega meiri hér en annars staðar á Norðurlöndum en árangurinn er ekki eftir því.
Áskorun nr. 1
Lausn
Með auknu valfrelsi nemenda og svigrúmi stjórnenda öðlumst við möguleika til að prófa okkur áfram til að sjá hvers konar aðferðir henta mismunandi hópum nemenda best. Aukið sjálfstæði skóla stuðlar að aukinni fjölbreytni og framþróun í skólastarfi í takt við breyttar þarfir nemanda.
Áskorun nr. 2
Lausn
Aukum áherslu á raun- og tæknigreinar í grunnskólum og frumkvöðlamenntun á öllum skólastigum. Virkjum tengsl menntakerfis við atvinnulífið með starfsnámi, sérstaklega hjá hátækni- og nýsköpunarfyrirtækjum.
Áskorun nr. 3
.svg)
Lausn
Til að stuðla megi að jöfnum tækifærum óháð efnahag, móðurmáli og félagslegum aðstæðum þarf að efla íslenskukennslu á öllum skólastigum og brúa umönnunarbilið sem myndast þegar fæðingarorlofi lýkur. Með fjölgun kennsludaga um 17 á ári verður sumarfríið 7 vikur.
Heimild: Hagstofa Íslands
Með breyttri samfélagsgerð verða til nýjar áskoranir í menntakerfinu. Árangur nemenda í íslensku menntakerfi verður ekki bættur ef stórir hópar sitja eftir, en hlutfall nemenda í leik- og grunnskóla með erlent móðurmál fer sífellt hækkandi. Löng sumarleyfi hafa komið sérstaklega illa við þá sem höllum fæti standa varðandi námsárangur, þá sem ekki hafa íslensku sem móðurmál og þá sem ekki hafa tök á að sækja námskeið eða annað skipulagt starf yfir sumartímann.
